2018 انتخاباتاہم خبریں

نواز شریف اور مریم لاہور ایئر پورٹ سے گرفتاری کے بعد اڈیالہ جیل منتقل

راولپنڈی : ایون فیلڈ ریفرنس میں سزایافتہ سابق وزیراعظم نوازشریف اور مریم نواز کو اڈیالہ جیل منتقل کردیا گیا جبکہ اس سے قبل کی اطلاعات میں کہا جارہا تھا کہ مریم نواز کو سہالہ ریسٹ ہاؤس اور نواز شریف کو اڈیالہ جیل بھیجا جائے گا۔ابوظہبی سے لاہور ایئرپورٹ پہنچنے پر نیب حکام نے نوازشریف اور مریم نواز کو حج لاؤنج سے حراست میں لیا اور گاڑی میں منتقل کرنے کی کوشش کی تاہم سابق وزیراعظم نے بیٹھنے سے انکار کردیا ۔نیب ٹیم نوازشریف کے انکار کے بعد انہیں پیدل ہی ٹرمینل کی طرف لے گئی اور اسلام آباد لے جانے کے خصوصی طیارے میں سوار کرادیا ۔اسلام آباد پہنچنے کے بعد احتساب عدالت کے جج بشیر احمد نے نوازشریف اور مریم نواز کی جیل منتقلی کا حکم جاری کیا ۔دونوں کو بکتر بند گاڑیوں میں نیو ائرپورٹ اسلام آباد سے اڈیالہ جیل منتقل کیا گیا۔اس موقع پر سیکورٹی کے سخت انتظامات کئے گئے تھے۔

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker