ملتان ۔ سینئر اخبارفروش رمضان ثانی جمعہ کے روز حرکت قلب بندہوجانے سے انتقال کرگئے ،ان کی عمر85برس تھی ۔
رمضان ثانی کاتعلق بنیادی طورپرتونسہ شریف سے تھا ۔لیکن وہ روزگارکے لئےجوانی میں ملتان منتقل ہوگئے ۔اورپھرعمربھریہیں قیام کیا۔رمضان ثانی نے اپنے ایک انٹرویومیں بتایاتھاکہ وہ ستمبر1935ءمیں پیداہوئے تھے اورجب پاکستان بنا تواس وقت ان کی عمر12سال تھی ۔رمضان ثانی ایک فرض شناس اخبارفروش کے طورپرجانے جاتے تھے ۔ابتداءمیں وہ پیدل اخبارتقسیم کرتے رہے اوراس کے بعد سائیکل پرموسم کی پرواہ کئے بغیر لوگوں تک اخبارپہنچاتے تھے ۔
رمضان ثانی ایک ہنس مکھ اورملن سارشخصیت کے مالک تھے ۔وہ اپنے دلچسپ سوالات کی وجہ سے لوگوں میں بہت مقبول تھے ۔ان کاحافظہ بلاکاتھاانہیں یہ بھی یادتھاکہ قیام پاکستان کے بعد کتنے جمعے اوردن بیت چکے ہیں ۔ان کی ایک ویڈیووائرل ہونے کے بعد چندماہ قبل وزیراعلیٰ پنجاب عثمان بزدارنے انہیں 50ہزار روپے کی امدادی رقم بھی ارسال کی تھی جومحکمہ تعلقات عامہ کی جانب سے انہیں پہنچائی گئی ۔ان کی نمازجنازہ بعدنماز عصراداکی جائے گی ۔
فیس بک کمینٹ