کھیل

ریورس سوئنگ کا فن ہم نے عمران خان سے سیکھا : وسیم اکرم

لندن :پاکستان کرکٹ ٹیم کے سابق کپتان اور عظیم فاسٹ بائولر وسیم اکرم کہتے ہیں کہ ریورس سوئنگ ایک فن ہے اوراس کے لئے مہارت بہت ضروری لیکن ساتھ میں محنت اور سمجھ بھی اہم ہے۔
معروف ادارے وژڈن نے اپنی یادداشتوں سے سوئنگ کے سلطان کا پرانا انٹر ویو کچھ اس انداز میں دوبارہ شائع کیا ہے کہ آج کے دور کے کرکٹرز کے لئے کائونٹی کرکٹ کیوں اہم نہیں ہے۔وسیم اکرم کہتے ہیں کہ 1986میں مجھے عمران خان نے کہا کہ پاکستان کے 1987کے دورہ انگلینڈ سے قبل انگلینڈ کا پہلا دورہ کروں،کیونکہ عمران خان نے مجھے انگلینڈ میں لیگ کرکٹ کھیلنے کا کہا تھا ۔ وہ چاہتے تھےکہ میں موسم کاعادی ہوجائوں، وکٹوں کو سمجھوں،میں نے 6ہفتے کرکٹ کھیلی ۔کیا آج کے کرکٹرز میں یہ عزم نظر آتاہے۔
1988 میں لنکاشائر کے ساتھ اپنے سیزن کے بعد میں آسٹریلیا گیا تھا۔ میں دنیا کا نمبر ایک بائولر بن گیا ، مجھے پہلے ٹیسٹ میں 11 وکٹیں ملی ، چنانچہ کاؤنٹی کرکٹ کے ایک سال نے میرے لئے نیا جہاں کھول دیا،وسیم اکرم کہتے ہیں کہ ریورس سوئنگ میں ہم فنکار تھے اور ہم نے یہ فن عمران خان سے سیکھا تھا۔ جب کسی کو نہیں معلوم تھاکہ ہم کیا کر رہے ہیں تو چھیڑ چھاڑ کا الزام لگادیا۔ وہی پریس اب اسے ریورس سوئنگ کہتا ہے۔
( بشکریہ : کرک سین ڈاٹ کام )

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker