ڈھاکہ : ایک وقت تھا ،دنیا میں جہاں بھی کہیں کرکٹ سیریز کے نیوٹرل مقام پر ہونے کی بات ہوتی تھی تو سب کے ذہن میں پاکستان کی سیریز آجاتی تھیں۔ پاکستان نے ایک عشرے سے بھی زائد عرصہ اپنی فیوچر ٹور سیریز تیسرے مقام پر کھیلی ہیں لیکن اب ملک کے میدان آباد ہورہے ہیں اور باہمی سیریز پاکستان میں شیڈول ہیں۔
ایسے میں اچانک جب ایک سیریز کے کسی تیسرے ملک منتقلی کی خبر سامنے آئے تو پہلا خیال پاکستان کی طرف جائے گا اور آج کل اس لئے بھی بھارتی انکار کی وجہ سے ایشیا کپ پاکستان کسی دوسرے ملک میں کرانے جارہا ہے لیکن دل تھام رکھئے کہ باہمی سیریز بھی منتقل ہوچکی مگر پاکستان کی نہیں بلکہ بنگلہ دیش کی ایک فل ممبر آئرلینڈ کیخلاف ٹی 20 سیریز آئرش حکام نے اپنے ملک کی بجائے انگلینڈ میں شیڈول کردی ہے۔ کورونا وائرس کا مسئلہ ہے اور نا ہی سکیورٹی وجوہ بلکہ آئرلینڈ میں کرکٹ گراؤ نڈ کی جاری مرمت و تزئین و آرائش میں تاخیر کی وجہ سے بنگلہ دیش اور آئرلینڈ کے 4 ٹی 20 میچز انگلینڈ منتقل ہوچکے ہیں ۔
یہ میچ 22 سے 29 مئی کے درمیان اوول،چیلمسفورڈ، برسٹل اور ایج باسٹن میں ہونگے تاہم اس سے قبل دونوں ممالک کے درمیان 3 ایک روزہ میچز آئرلینڈ میں کھیلے جائیں گے.
فیس بک کمینٹ