اسلام آباد : وفاقی وزیر ہوا بازی غلام سرور خان نے کہا ہے کہ کل سے وفاقی دارالحکومت اسلام آباد سمیت ملک کے تمام صوبائی دارلخلافوں کے درمیان اندرون ملک پروازیں شروع کی جارہی ہیں۔ انہوں نے بتایا کہ نیشنل کمانڈ اینڈ آپریشن سینٹر میں ڈومسٹک پروازیں کھولنے کا حتمی فیصلہ ہوا ہے ۔
وفاقی وزیر ہوا بازی نے بتایا کہ فلائٹ آپریشن لاہور، اسلام آباد ، کراچی ، کوئٹہ اور پشاور میں شروع کۓ جائیں گے۔ 16 مئی سے ابتدائی طور پر بیس فیصد ڈومسٹک آپریشن شروع کۓ جائیں گے ۔سوشل ڈسٹنسنگ کو مد نظر رکھتے ہوے پچاس فیصد سیٹ اکیوپنسی (یعنی ایک نشست چھوڑ کر دوسری نشست پر مسافر کا بیٹھنا) پر عملدرآمد کیا جاۓ گا۔
ایک سوال کے جواب میں وفاقی وزیر کا کہنا تھا کہ ہوا بازی ڈویژن ہر ممکن کوشش کر رہا ہے کہ مسافروں کو محفوظ طریقے سے سفر کرنے کی سہولت دی جاسکیں۔
فیس بک کمینٹ