لاہور : پنجاب یونیورسٹی میں ثقافتی پروگرام کے دوران طلبہ کے دو گروہوں میں ہونے والے تصادم میں پانچ طالب علم زخمی ہوگئے۔ میڈیا رپورٹس کے مطابق جامعہ پنجاب میں طلبہ کے ایک گروپ کی جانب سے پشتون کلچرل فیسٹیول کا انعقاد کیا گیا تھا، تقریب کے دوران مبینہ طور پر جمیعت کے طالب علموں نے دھاوا بولتے ہوئے ڈنڈے اور پتھر برسانے کا سلسلہ شروع کر دیا۔ پولیس نے جامعہ پنجاب میں مزید نفری طلب کی، تاہم دونوں گروہوں کی جانب سے ایک دوسرے پر پتھراؤ اور ڈنڈوں سے حملوں کو سلسلہ جاری رہا۔ بعد ازاں پولیس نے آنسو گیس کی شیلنگ کے ذریعے مشتعل طلبہ کو قابو کیا، فوری طور پر کسی کے گرفتار کیے جانے کی اطلاع موصول نہیں ہوئی۔
فیس بک کمینٹ