اہم خبریں

لاہور ہائی کورٹ نے حمزہ شہباز کی ضمانت منظور کر لی

لاہور : لاہور ہائی کورٹ نے جمعرات کو پنجاب میں قائد حزب اختلاف حمزہ شہباز شریف کی ضمانت منظور کرلی تاہم آمدن سے زائد اثاثوں اور منی لانڈرنگ کیس کی وجہ سے وہ ابھی جیل میں ہی رہیں گے۔ عدالت حمزہ شہباز کے خلاف نیب کے دیگر مقدمات پر سماعت منگل کو کرے گی۔
لاہور ہائی کورٹ کے جسٹس سید مظاہر علی اکبر نقوی اور جسٹس چودھری عبدالعزیز پر مشتمل دو رکنی بینچ نے حمزہ شہباز شریف کی درخواست پر سماعت کی۔ اپوزیشن لیڈر حمزہ شہباز شریف کی لاہور ہائیکورٹ سے ضمانت ہونے پر اپوزیشن چیمبر میں جشن کا سا سماں تھا۔ لاہور سے مسلم لیگ نون کے مقامی لیڈر ملک ندیم کامران نے کہا ہے کہ اللہ تعالیٰ نے ہمیں سرخرو کیا۔ آج حق اور سچ کی فتح ہوئی ہے، اپنے رب کا جتنا شکر ادا کریں کم ہے۔ ان کا کہنا تھا کہ ہماری قیادت کو سیاسی انتقام کا نشانہ بنایا گیا۔
’جھوٹ پر مبنی مقدمات کا پوسٹ مارٹم عدالتوں میں ہورہا ہے، بغیر ثبوت کیس بنائے گے۔ عدالتوں کو تاحال کوئی ثبوت نہیں دیے گئے۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker