میلبورن : بھارت خواتین کا عالمی دن بھی ہار گیا، اقلیتی برادری اور بالخصوص مسلمانوں کیخلاف متنازعہ قوانین ،مقبوضہ کشمیر میں انسانی حقوق کی خلاف ورزی کرنے والا بھارت عالمی ویمنز ڈے پر خواتین کے حوالے سے بھی ناکامیوں کی عملی تفسیر بن گیا۔
میلبورن کے تاریخی گراؤ نڈ میں آئے اس کے کثیرحامی تماشائیوں اور اس کے ملک میں موجود کروڑوں کرکٹ شائقین کو اس وقت شدید مایوسی کا سامنا کرنا پڑا جب 7 ویں ویمنز ورلڈ ٹی 20 کے فائنل میں اسے آسٹریلیا نے 85رنز کی عبرتناک شکست دیدی۔ ٹیم 184 کے جواب میں نروس نائنٹیز کا شکار ہوتے ہوئے 99پر ہتھیار پھینک گئی ۔ اس طرح دنیائے کرکٹ میں پہلی مرتبہ ٹی 20 ویمنز ٹائٹل جیتنے کا خواب ریزہ ریزہ ہوگیا۔
میگا ایونٹ کے ٹاس میں بھی میزبان خواتین حاوی رہیں. بھارتی ویمنز کپتان اس دن ٹاس کا سکہ بھی اپنے حق میں گراسکیں.
آسٹریلین اوپنرز الیسا ہیلی اور بیته مونی نے 12 اوورز میں 115 رنز کا جارحانە آغاز فراہم کیا. الیسا ہیلی نے 75 کی اننگ کھیل کر اپنے خاوند آسٹریلین کرکٹر مچل سٹار ک کا درست استقبال کیا ۔سٹار ک نے اپنی اہلیہ کی خاطر جنوبی افریقہ میں اپنی ٹیم کو چھوڑ کر واپسی کی راہ لی تھی ۔ تیسرا ون ڈے ان کی عدم موجودگی میں ٹیم ہارگئی ہے۔ ہیلی کی اننگ سے ثابت ہوا کہ ساتھی کی جانب سے حوصلہ افزائی ہو تو کارکردگی میں نکھار آتا ہے۔ بیته مونی نے بھی 78 رنز بنائے۔ آسٹریلیا نے 4 وکٹ پر 184 کا بڑا مجموعہ سیٹ کیا. بھارت کی جوابی اننگ تباہ کن تھی 30 پر 4 اور 58 پر آدھی ٹیم آؤ ٹ ہونے سے ہدف کا حصول مشکل ترین ہوگیا ۔ شفالی ورما 2،مندهانا 11 ،کپتان ہرمن پریت کور 4 رنز بناسکیں۔ دیپت شرما 33 رنز بنا کر نمایاں رہیں۔
( بشکریہ : خبر والے )
فیس بک کمینٹ