حمد : ڈاکٹر نجمہ شاہین کھوسہ

حمد : ڈاکٹر نجمہ شاہین کھوسہ

جہاں جہاں نظر گئی ، وہاں وہاں ملا ہے تُو
ہر ایک جا ، ہر اک نگر ، جو دیکھئے خدا ہے تُو

ہیں رنگ و نور چار سُو ، ترا وجود کُو بکُو
چمن چمن ، دمن دمن ، جمالِ دل ربا ہے تُو

کہیں ہے تُو بلال میں ، کہیں کسی جمال میں
نہ ہو کسی کا گر کوئی ، اسے بھی پالتا ہے تُو

یہ زندگی کی رونقیں ترے ہی دم سے گل فشاں
مرا نصیب ہے بلند ، میرا آشنا ہے تُو

ہر ایک بحر و بر میں تُو ، وجودِ خیر و شر میں تُو
ہر ایک سمت جلوہ گر ، جہاں میں اے خدا ہے تُو

ڈاکٹر نجمہ شاہین کھوسہ