مسلمان رمضان میں تمام اجتماعات سے گریز کریں :سعودی علما ، روزہ بھی چھوڑ سکتے ہیں ، خامنہ ای

ریاض : خبر رساں ادارے روئٹرز کے مطابق سعودی عرب میں سینئر علما کی کونسل نے تمام مسلمانوں سے کہا ہے کہ اگر ان کے ممالک میں کورونا وائرس سے بچاؤ کے لیے سماجی فاصلے کی تجویز دی گئی ہے تو ماہِ رمضان کے دوران وہ گھر میں ہی نماز پڑھیں۔
روئٹرز نے سعودی سرکاری خبر رساں ادارے کا حوالہ دیتے ہوئے کہا ہے کہ علما کے ایک بیان کے مطابق: ’مسلمان تمام اجتماعات سے گریز کریں کیونکہ یہ وائرس کے پھیلاؤ کی مرکزی وجہ ہیں۔ یاد رکھیں کہ لوگوں کی زندگیاں بچانا ایک عظیم عمل ہے جو آپ کو خدا کے قریب لاتا ہے۔‘جانز ہاپکنز یونیورسٹی کے مطابق ملک میں 8,274 مصدقہ متاثرین ہیں جبکہ 92 اور 1329 افراد صحتیاب ہوچکے ہیں۔
سعودی عرب میں 20 مارچ سے تمام بڑے مقدس مقامات پر حاضری دینے پر پابندی عائد ہے تاکہ وائرس کی روک تھام ہو سکے۔دوسری طرف ایران کے رہبرِ اعلیٰ آیت اللہ خامنہ ای نے کہا ہے رمضان میں اس صورت میں مسلمانوں پر روزے فرض نہیں اگر اس سے ان کی صحت کو خطرہ لاحق ہو۔
( بشکریہ : بی بی سی اردو )